Яңалыклар

Нәзарәтнең “Хозур” нәшрият йорты Мәрҗәни хезмәтләрен бастырды

Татарстан Республикасы мөселманнары Диния нәзарәтенең “Хозур” нәшрият йорты тарафыннан татар милләтенең күренекле дин әһеле, галим   Шиһабетдин Мәрҗәни хезмәтләренең репринт-басмасы чыгарылды. Галимнең алты томлык җыентыгы үз эченә танылган «Хакк әл-мөбин фи мәхәсин әудаг әд-дин», «Хизәмәт әл-хәвәши ли-идәхәт әл-гәвәши», «Мөстәфәд әл-әхбәр фи әхвәл Казан вә Болгар», «Нәзурәтел-хак фи фәридатил-гыйшәэи вә ин ләм йагыйбиш-шәфәкъ», «Китаб әл-хикмәт әл-бәлига әл-җәниййа фи шәрех әл-гакаид әл-хәнәфиййә.

Казан шәһәрендә Ш.Мардҗани истәлегенә багышланган джиу-джитсу буенча ярышлар узачак

24 февраля во Дворце единоборств «Ак Барс» Казани состоятся Всероссийские соревнования по джиу-джитсу среди мужчин и женщин 1999 года рождения и старше в честь 200-летия татарского ученого и богослова Шигабутдина Марджани.

Галимҗан Барудиның 160 еллыгы уңаеннан галимнең 22 репринт басмасын нәшер иттеләр

Олуг татар дин әһеле Галимҗан Барудиның 160 еллык юбилее уңаеннан "Хозур" нәшрият йорты Татарстан мөселманнары Диния нәзарәте белән берлектә галимнең 22 репринт басмасын нәшер итте.

1.«Гыйбадәт сәляс: зәкят, руза, хаҗ»,

2.«Гыйбадәт сәляс: китабас-саләт»,

3.«Хөсне-л -гыйбадәт»,

4.«Әл-гукуд әс-сәляс. Никах, талак, ямин»,

 5.«Нәмүнәи хисаб»,

6.«Лөгате-с-сәляс»,

7. «Сөаль вә җаваплы бәдә-әҗл-мәгариф»,

8.«Бәд-үл-мәгариф гыйлем-ат-тәүхид»,

9. «Бәдә-әл-мәгариф: әзкярли»,

10.«Сөаль вә җаваплы әүвәл-ән-нәзафәт»,

11.«Әүвәл ән-нәзафәт»,

12.«Китап-әл-мөгамаләт: магариф исламиядән»,

13.«Тарих әнбия»,

14.«Сад пәнд»,

15.«Әзкәр әс-салават. Мәгариф исламиядан җүз 5»,

16.«Тәтиммә китаб әс-салават»,

17.«Тәкмиләи сәвад хаван»,

18.«Сәвад хан»,

19.«Кыйссаи Хозыр галәйһи-с-сәлам»,

 20."Әл-китәб әл-әүвәл мин әл-әрбәгыйнәт әл-мөтәсәлсилә".
Кырыгар хәдисне җыйган сериянең беренче китабы.

21. "Әл-китәб әс-сәни мин әл-әрбәгыйнәт әл-мөтәсәлсилә".
Кырыгар хәдисне җыйган сериянең икенче китабы.

22.“Мәдхаль гарәбия”

Болардан тыш "Хозур" Ләйлә Хисаметдинованың «Г. Баруди: Жизнь и общественно-политическая деятельность» дип атлган китабын бастырды. Бу китап тәүге тапкыр дөнья күрде. Шулай ук язучы, тарихчы, журналист, сәясәтче Йосыф Акчураның “Дамелла Галимҗан Баруди” китабын бастырды. 

http://dumrt.ru

 

Бүген Казанда “Россия мөселманнарының рухи мирасын өйрәнүнең актуаль проблемалары: тарих һәм бүгенге заман” дип аталган халыкара конференция ачылды

Бүген Казанда мәшһүр татар дин әһеле Галимҗан Барудиның (1857–1921) тууына 160 ел тулу уңаеннан “Россия мөселманнарының рухи мирасын өйрәнүнең актуаль проблемалары: тарих һәм бүгенге заман” дип аталган халыкара фәнни-гамәли конференция ачылды.

Конференциядә Сүрия, Бәхрәйн, Төркия, Иордания, Мисыр илләреннән килгән дин галимнәре һәм Россиянең  13тән артык мөфтияте вәкилләре, Россия һәм Татарстан фән белгечләре катнаша.

Бүген ТР мөселманнары диния нәзарәтенең пленум утырышы узды

16 февральдә ТР МДНнең Пленум утырышы булды. Җыелыш Татарстан мөфтие Камил хәзрәт Сәмигуллин җитәкчелегендә барды һәм мөфтинең урынбасарлары, нәзарәтнең голәмәләр һәм казыйлар шуралары әгъзалары, республиканың барлык районнары имам-мөхтәсибләре, мәдрәсә җитәкчеләре катнашында үтте.

Бүген утырышта мөфти, баш казый һәм мөфтинең беренче урынбасары булырга теләүчеләр рәсми кандидат буларак расланды.

Мәгълүм булганча, Үзәкләшкән дини оешма – Татарстан Республикасы мөселманнары Диния нәзарәтенең 2017 елның 11 гыйнварында узган чираттагы Пленум утырышында, 1 нче санлы беркетмәгә нигезләнеп, мөфти һәм баш казый, мөфтинең беренче урынбасары  вазыйфаларына кандидатлар тәкъдим итү таләпләре билгеләнгән иде. 13 гыйнвардан башлап 13 февральгә кадәр кандидатлардан гаризалар кабул ителде. Кандидатлар мөхтәсибәтләр уздырган җыелышларда каралды. 

Мөфтилеккә рәсми кандидат итеп Камил хәзрәт Сәмигуллин расланды (“Тынычлык” мәчете имам-хатыйбы, Татарстан мөфтие).

Баш казый вазыйфасына рәсми кандидат итеп Җәлил хәзрәт Фазлыев (Балтач районы имам-мөхтәсибе, баш казый), расланды.

Мөфти урынбасары вазыйфасына рәсми кандидат итеп Рөстәм хәзрәт Вәлиуллин (Казанның Совет районы имам-мөхтәсибе, төньяк-көнбатыш төбәге казые),  Илфар хәзрәт Хәсәнов (“Кол Шәриф” мәчете имам-хатыйбы) расланды.

Җыелышта Корылтай көне билгеләнде. Татарстан мөселманнары Диния нәзарәтенең VII Корылтае 17 апрельдә уздырыла.

http://dumrt.ru

Мансур хәзрәт Җәләлетдин исем кушу йоласы нечкәлекләре турында сөйләде

Әл-Мәрҗани Җәмигъ мәчете имам-хатыйбы Мансур хәзрәт Җәләлетдин “Татарлар” телетапшыруы өчен  исем кушу йоласының нечкәлекләре турында сөйләде. Әлеге чыгарылышны бүген, ягъни 15 февраль көнне, ТНВ каналында 19:00 һәм ТНВ-Планета каналында 20:05 сәгатьттә карый аласыз.

Әл-Мәрҗани Җәмигъ мәчете ВТБ банкта яңа счет ачты

Уважаемые друзья, братья-мусульмане! После неблагоприятных ситуаций, которые произошли в банковских системах, расчетный счет Казанской соборной

Хөрмәтле мөселманнар, туганнар. Соңгы араларда банк системаларында килеп чыккан кыенлыклар нәтиҗәсендә, Әл-Мәрҗани Җәмигъ мәчетенең “Интехбанк”та ачылган исәп-хисап счетлары эшләүдән туктады, шуңа күрә мәчет җитәкчелеге хәзер ВТБ банкта яңа счет ачты. Әгәр дә мәчеткә хәер-сәдакәсен бирергә, мәчеткә матди ярдәм күрсәтергә теләүчеләр булса, алар өчен яңа исәп-хисап счетын тәкъдим итәбез.

Матди ярдәмне күчергән очракта marjani07@mail.ru электрон адресына үзегезнең исемегезне, фамилиягезне язып күпме сумма күчерүегез һәм әлеге хәер-сәдакәнең, матди ярдәмнең нинди максатларда тотылырга тиешлеген дә язып җибәрүегез сорала.

Краткое наименование: ММРО – Казанская Соборная мечеть «Аль-Марджани» КМ ЦРО – ДУМ РТ

Адрес: 420021, РТ, г. Казань, ул. К. Насыри, д.17

Р/с 40703810125240000014 в филиале Банка ВТБ (ПАО) в г. Нижнем Новгороде 
БИК 042202837 
К/с 30101810200000000837 
КОД ОКПО: 50330799 
ИНН 7702070139 
КПП 526002001 
ОГРН 1027739609391

"Казань глазами инженера" проекты "Казан мәчетләре" экскурсиясенә чакыра

Элек бөтен Казан мәчетләре рус архитекторлары тарафыннан эшләнгән иде, шуннан безгә татар мәчетләрененең уникаль стиле калды. Ул һичт ә традицион көнбатыш стиленә охшамаган. Бу мәчетләр - татар мигъмариятенең бердәнбер хәзерге вакытка кадәр сакланган монументаль һәйкәлләре. Аларда ничек төрле чор билгеләре яңача иҗат итәргә өйрәнүче архитектор талантлары ярдәме белән хикмәтле рәвештә берләшкән? Алар ничек татар бистәләрен йөзен билгеләгәннәр? Шул турыда сөйләрбез.

19 февраль, 12.00, Мәрҗәни мәчетеннән (Каюма Насыйри урамы).
Дәвамлылыгы: 2,5 сәгать.

Экскурсиягә  http://kzn.engineer-history.ru/mecheti/ сайтында 
яки 212-13-15 телефон номерына шалтыратып языла аласыз 

Сәүдәгәр Муллин йорты: бүгенге көндә ул нинди?

Узган гасыр ахырында ул ниди ташлындык хәлгә килде һәм бүгенге көндә ул нинди. Әлеге йортны тергезү һәм соңыннан татар мәдәниятен һәм көнкүрешен чагылдыручы үрнәк йорт буларак җәмәгатьчелек хозурына тәкъдим итүчеләр булып Мансур хәзрәт Җәләлетдин җитәкчелегендәге Казан мөхтәсибәте һәм Әл-Мәрҗани мәчете мәхәлләсе торалар.

Муллин йорты XIX гасыр ахырында төзелә. Ул татар төзелеш сәнгатенең типик йорт үрнәге булып тора.

Борһанетдин Фәхретдин улы 2 нче гильдияле сәүдәгәр, җәмәгать эшлеклесе.  Ул «Мәрҗания» мәдрәсәсе төзелешенә булышкан һәм башка җәмгыяви-хәйрия чараларында ихластан катнашкан.

Битләр