Мөфти хазрәтебез беренче Россия Ислам Икътисади форумын ачты

Мөфти хазрәтебез беренче Россия Ислам Икътисади форумын ачты

27 февраль көнне Татарстан Республикасы Мөфтие Камил хәзрәт Сәмигуллин Мәскәү шәһәрендә Халыкара Ислам Бизнесы Ассоциациясе Президенты Марат Кабаев чакыруы буенча «Россия — хезмәттәшлек гаранты» Беренче Россия Ислам Икътисади форумын ачып җибәрде. Олы җыелыш Камил хәзрәтнең Коръән аятьләрен укуы белән башланды. Форум Ислам шәхси секторны үстерү корпорациясе, Ислам үсеше банкы, Халыкара Ислам Бизнесы Ассоциациясе, Саклык банкы һәм KPMG ярдәме белән уза. Мәртәбәле чарада катнашучылар Ауропа һәм Азиянең икътисади якынлыгын тизәйтү юллары, шулай ук, альтернатив   финанс механизмнарның, аерып әйткәндә, ислам финанс хезмәтләренең роле турында фикер алыша.  Форумның төп максаты – уртак инвестицияләрне үстерү һәм сәүдә итү юлларын гадиләштерү өчен озак елларга ниятләнгән эшлекле платформа булдыру.